Webmail : Internal | External
       
தரச் சான்றிதழ்

தர மேலாண்மை அமைப்பு (ஐஎஸ்ஓ 9001:2008)

கட்டமைப்பு மற்றும் செயல்பாடுகளில் உலகத் தர விதிமுறைகளைக் கடுமையாகப் பின்பற்றும் பெருமை வ.உ.சிதம்பரனார் துறைமுகப் பொறுப்புக்கு உண்டு. துறைமுகப் பிரிவிற்கு ஐஎஸஓ கோட்பாடு புதியது என்னும் சூழலிலும் தர மேலாண்மை அமைப்பை அறிமுகப்படுத்திய முதல் பெரிய துறைமுகம் இதுதான். இதன் முனைவுகளை அங்கீகரிக்கும் வகையில் 1996 இல் ஐஎஸ்ஓ:9002:1994 தரச் சான்றிதழ் வழங்கப்பட்டது. 1996 முதற்கொண்டே தர மேலாண்மை அமைப்புகளைக் கடுமையாகப் அமல்படுத்தியதால் வழிமுறை, செய்முறை மற்றும் கொள்கைகளில் தெளிவான தொலைநோக்குப் பார்வைக்கும், ஒழுங்கான செயல்பாட்டுக்கும், முழுமையான வாடிக்கையாளர் திருப்திக்கும் உதவின. திருத்தப்பட்ட தரக் கட்டுப்பாடுகளைப் பின்பற்றியமைக்காக சான்றிதழும், பின்னர் 2009 ஏப்ரலில் ஐஎஸ்ஓ:9001:2008 சான்றிதழும் துறைமுகத்திற்கு வழங்கப்பட்டன.

தரக் கொள்கை

ஏற்கும் கட்டணத்தில் கடல் வர்தகத்திற்கான வசதிகள் மற்றும் சேவைகளின் தொடர் மேம்பாடு மூலம் வாடிக்கையாளர் திருப்தியை உறுதிப்படுத்துதல்

சுற்றுச்சூழல் மேலாண்மை அமைப்பு (ஐஎஸ்ஓ 14001:2004)

சுற்றுச்சூழல் மேலாண்மையில் சமூகத்திற்கான தனது வாக்குறுதியை நிறைவு செய்யும் ஒரு பகுதியாக இத்துறைமுகம் 2003 ஜூலை முதல் ஐஎஸ்ஓ:14001:2004 தரக் கட்டுப்பாட்டின் கீழ் சுற்றுச்சூழல் மேலாண்மை அமைப்பை அறிமுகப்படுத்தி உள்ளது.

சுற்றுச்சூழல் கொள்கை

தொடர் மேம்பாடு மற்றும் சட்ட விதிகளுக்கு உட்பட்டுச் சுற்றுச்சூழல் மேலாண்மை அமைப்புகள் அமலாக்கம் மூலம் தனது செயல்பாடுகளால் சுற்றுச்சூழல் பாதுகாப்பிற்கு வ.உ.சிதம்பரனார் துறைமுகம் உறுதியளித்துள்ளது. சட்ட விதிகளுக்கு உட்பட்டுத் திறமையான மற்றும் இயற்கை சுற்றுச்சூழல் அமைப்புகளை அமல்படுத்துதல் மற்றும் தொடர்ந்து மேம்படுத்துதல் ஆகியவையே துறைமுகத்தின் சுற்றுச்சூழல் கொள்கை ஆகும். இதன் மூலம் கடல் வர்த்தகம் இயற்கை மாசுக் கட்டுப்பாடு கழிவுகளைக் குறைக்கவும், துறைமுகச் சமூகத்தினரிடையே சுற்றுச்சூழல் குறித்த விழிப்புணர்வை ஏற்படுத்தவும் உறுதியளித்துள்ளது.

ஐஎஸ்பிஎஸ் குறியீடு இணக்கம்

“வ.உ.சிதம்பரனார் துறைமுகப் பொறுப்பு பாதுகாப்பான பணிச் சூழலை தனது அனைத்து ஊழியர்கள், துறைமுகப் பயனீட்டாளர்கள், கப்பல்கள் மற்றும் அவற்றின் ஊழியர்களுக்கு வழங்க உறுதியளித்துள்ளது. மக்கள், சரக்கு மற்றும் கடல் சொத்துக்களுக்கு எதிரான சட்ட்த்திற்குப் புறம்பான செயல்களைத் தடுக்கத் தேவையான பாதுகாப்பு நடவடிக்கைகளை எடுத்தால் மட்டுமே இது சாத்தியப்படும்.”.